Já krakkar mínir  . . nú verður rokkað um jólin !!!!

Ú.F.F mun spila á krakkaballi á Kaffi Krók fimmtudagskvöldið 28.desember og verður efalaust sama góða stemningin og síðasta ár, þegar við vorum að taka okkar fyrstu skref.

Síðan kvöldið eftir , þann 29.des verðum við á Mælifelli og verður það sveitt og feitt ball og ókeypis verður inn, bjórtilboð og við vitum ekki hvað og hvað.

Farið ekki í jólaköttinn og mætið í dansgallanum !

Rokkkveðjur

- Binni

Hljómsveitin Ú.F:F mun spila á Mælifelli föstudagskvöldið 29.desember næstkomandi !!!!

Dagskráin byrjar um 22:00 leytið þegar Binni stígur á stokk og spilar á kassagítarinn í 2 tíma með tilheyrandi ölæði og skemmtun ,en rétt eftir miðnætti munu Ú.F.F koma fram og spila stanslaust til 03:00 ... ef ekki lengur

Við lofum sveittri stemningu að vanda.

FRÍTT INN og 18 ára aldurstakmark.

Fyrir hönd Ú.F.F vil ég þakka öllum þeim sem sáu sér fært um að mæta á ballið með okkur síðastliðið laugardagskvöld .......... við skemmtum okkur konunglega og ég vona að þið hafið skemmt ykkur jafnvel ... ef ekki betur

En að öðrum fréttum , þá mun Ú.F.F líklega spila á Mælifelli á milli jóla og nýárs og verður vonandi sama snið á ballinu... þ.e frítt inn og skemmtilegheit.

Kærar kveðjur.

Binni

P.s --> Ef einhver á myndir frá ballinu á Mælifelli þá er hinn sami beðinn vinsamlegast um að senda þær á mailið binni29@gmail.com eða binni29@hotmail.com.

Ú.F.F spilar ásamt Sense, Hip Razical og Sixties á Faxatorginu fyrir framan KB Banka á 17.júní og byrja tónleikarnir um 20:30 leytið.

Ú.F.F stígur á sviðið síðast og spilar langt fram eftir kvöldi !!!

Hafið það gott og látið sjá ykkur !!!

Vil bara þakka ykkur krökkum í 8.9. og 10.bekk fyrir frábæra skemmtun í gær á Árshátíðinni hjá ykkur.

Þið voruð til fyrirmyndar

Takk fyrir mig.

Binni

P.S. Kvittið fyrir ykkur ef þið kíkið hér inn á síðuna takk

Músíktilraunir fóru kannski ekki alveg eins og við vorum búnir að vona, en við skiluðum ágætis frammistöðu og erum nokkuð sáttir við hana.

Mogginn vildi meina að lagavalið hjá okkur hefði ekki verið gott, en hrósuðu hljóðfæraleik.

Við þökkum auðvitað öllum þeim sem komu að horfa á okkur í Loftkastalanum. Takk kærlega

En næsta verkefni er Árshátíð Friðar í íþróttahúsinu þann 19.apríl... ég vona að við sjáumst sem flest þar í ógeðslega miklu stuði.

Ú.F.F verða vonandi að spila eitthvað um páskana líka !

Thank you very much...

Ég vil biðja alla velunnara Skagafjarðar og vini og kunningja að koma í Loftkastalann á föstudagskvöldið og styðja við okkur í Hljómsveitinni Ú.F.F !!! Húsið opnar klukkan 18:00 , eða réttara sagt , miðasalan byrjar þá, og um að gera að fjárfesta í miða sem fyrst. Það kostar aðeins 700 krónur á þetta , sem er nú ekki mikið fyrir að hlusta á góða tónlist. Áhorfendur velja nefnilega eina sveit áfram, og dómnefnd eina. Þannig að við í Ú.F.F þurfum að fá eins mikinn stuðning og við mögulega getum, því við verðum að keppa við Reykjavíkursveitir sem geta dregið með sér fullt af áhorfendum.

Endilega kíkið á okkur á föstudagskvöldið í Loftkastalanum. Ef þið hafið einhverjar spurningar, þá er bara að kíkja á www.musiktilraunir.is eða bara spyrja mig !

Með fyrirfram þökk.

Ú.F.F er að spila ásamt Sense, Geira og Helga Sæmundi á styrktarkvöldi fyrir Krabbameinssjúk börn, sem nemendur í frumkvöðlafræði í FNV eru að setja saman.

 

Húsið opnar klukkan 20:00 og kostar 500 krónur inn.

 

Allir að mæta og leggja góðu málefni lið.

Það voru alveg heilar 3 nýjar myndir að detta inn í myndaalbúmið okkar, sem finna má í tenglum til vinstri.

Af Ú.F.F er það að frétta að við erum að fara að hella okkur í að endurbæta og lengja programið okkar svo við getum farið að halda okkar eigin böll, því við ætlum ekkert að vera að hita neitt upp mikið lengur.

Svo erum við komnir með smá af frumsömdu , sem er gott ,því við þurfum það þegar við tökum þátt í Músíktilraunum í mars mánuði. Við munum segja ykkur frá öllu sem því tengist þegar nær dregur.

Kveðja:

Binni